Jarðefni

Sandur og mold

Þróttur selur sand, drenmöl og tekur á móti jarðvegi og garðúrgangi. Sandurinn er t.d. notaður í hálkuvarnir, hellulagnir, í blómabeð og margt fleira.

Sandurinn er harpaður hraunsandur og hentar því mjög vel í hellulagnir og hálkuvarnir.

Björgunarefni

Þróttur sér um að útvega björgunarefni og koma þeim á staðinn. Björgunarefni eru fengin hjá Björgun ehf. við Sævarhöfða sem býður fjölmargar gerðir jarðefna. Björgun ehf dælir upp efnum af sjávarbotni, flokkar þau og tekur til frekari vinnslu. Bílstjórar Þróttar geta séð um að sækja efni og koma því á þann stað sem óskað er eftir.

Helstu námur í nágrenni Reykjavíkur

Þróttur getur útvegað jarðefni úr helstu námum í nágrenni Reykjavíkur. Þær eru Lambafell við Þrengslavegamót, Bolalda fyrir ofan Sandskeið, Vatnsskarð á Krísuvíkurleið og JVJ námur við Bláfjallaveg sunnan Hafnarfjarðar. Jarðefnin eru bæði seld óunnin og hörpuð eða mulin í mismunandi stærð til margs konar notkunar. Þróttur sækir efnið og kemur því á þann stað sem óskað er eftir.